Хабарҳо

     Имрӯз Академияи илмҳои кишоварзии Тоҷикистон муштарак бо Вазорати кишоварзӣ ва  Донишгоҳи аграрии Тоҷикистон ба номи Ш. Шоҳтемур, дар саҳни ДАТ Иди Наврӯзро бо шукӯҳу шаҳомати хоса ҷашн гирифтанд. Дар ин ҷашн олимон ва кормандони Институти хокшиносӣ ва агрохимияи АИКТ фаъолона ширкат намуда, иштирокчиёни базмгоҳро ба сайри таърихии хони ҳафтсину ҳафтшин ва рамзу нишонаҳои дар он гузошта шуда, ки аз даврони бостон то ин ҷониб ҳифз шудааст, даъват намуданд. Зимни тамошо вазири кишоварзӣ  Қурбон Ҳакимзода, Президенти Академияи илмҳои кишоварзӣ Амонулло Салимзода ва дигар меҳмонон, хони наврӯзии Институтро беҳтарин арзёбӣ намуданд.

Наврӯз ҷаҳонӣ шуд, то бод чунин бодо!
Ҷашни ҳамагонӣ шуд, то бод чунин бодо!

    Баҳор яке аз зеботарин фаслҳои сол аст ва имрӯз Наврӯзи хуҷастапай қадами нахустини худро соати 08:06 дақиқа ба вақти Тоҷикистон ба сарзамини мо гузошт. Ба ин муносибат дар толори маҷлисгоҳи Институти хокшиносӣ ва агрохимияи Академияи илмҳои кишоварзии Тоҷикистон ҷаласаи идона баргузор гардид. Шариф Хоҷаев директори муассиса  ҳамаи олимону кормандонро дар ин иртибот табрик гуфта, ба ҳамагӣ саломатӣ, хушбахтӣ ва дар ҷодаи илм муваффақият орзӯ намуд. Ӯ таъкид  намуд, ки Наврӯз ҷашни ниёгон ва Иди аҷдодии мардуми мо буда, дар даврони соҳибистиқлолӣ бо кушишу ташаббуси Пешвои миллат муҳтарам Эмомалӣ Раҳмон дар кишвари мо Наврӯз ҳамчун ҷашни миллӣ таҷлил мегардад. Аз ҳамин лиҳоз бояд ҳар кадоми мо ҷашни ниёгонро қадр намуда, бо ифтихори миллӣ онро ҷашн бигирем.
    Баҳор оғози дубора барои замин аст, ки бо ҷашну сурур ҳамроҳ шуда, ба шаҳрҳо, деҳоту хонаҳо ранги тоза медиҳад. Одобу русуми Наврӯз, оини истиқбол аз ин ин фасли сабз аст; фасле, ки омаданаш баҳонаи хубест то  мо дар такопу бияфтем ва суннатҳои куҳанро ба ҷо биоварем.
    Наврӯз ба ҳамагӣ хуҷаста бод!

     Санаи 9 уми марти соли 2024 Президенти Академияи илмҳои кишоварзии Тоҷикистон узви вобастаи АИКТ Салимзода А.Ф. бо мақсади шиносои бо фаъолияти кории аз пойгоҳи таҷрибавии Тангаи ш.Ваҳдат дидан намуданд. Зимни боздид аз қитъаҳои таҷрибавӣ ва боғу дарахтони мевадиҳанда ва ороиши инчунин аз гармхонаи доимо амалкунандаи лимӯ шинос шуда, пешниҳодҳои худро  баҳри бозҳам беҳтарнамудани корҳои илмию истеҳсолӣ ба роҳбарону мутахасисон иброз намуданд.

РӮЗИ МОДАР МУБОРАК!

Боиси хурсандӣ аст, ки ҳамасола дар оғози фасли зебои баҳор, ҷашни фархундаи Рӯзи Модар таҷлил карда мешавад.
Модар ягона мавҷудест, ки инсон меофарад, ба ӯ ҳаёт мебахшад, ӯро дар оғӯши гарму пурмеҳри худ мепарварад, аввалин суханҳо ва гузоштани нахустин қадамҳоро ба ӯ меомӯзад ва бо ҳазор нияту орзуҳои нек ӯро ба воя мерасонад.
Имрӯзҳо бо саъю талошҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нақши бонувону духтарони тоҷик дар ҷомеа баланд гардида, онҳо дар ҳамаи соҳаҳои ҳаёти ҷомеа ва давлат софдилона кору фаъолият менамоянд ва бо заҳмати бунёдкоронаву ташаббусҳои созандаашон барои рушди давлатамон саъю талош мекунанд.
Бо ифтихор ва шарафмандӣ тамоми модарон ва бонувони азизро бо фарорасии иди зебои баҳор ва Рӯзи Модар самимона шодбош гуфта, бароятон умри дароз, зиндагии осуда, бахту иқболи наку ва дар корҳои  илмию амалиатон  комёбиҳо орзу менамоем.
Бигзор, қалбҳоятон пур аз меҳру сурур, чароғи хонадонатон ҳамеша равшан ва фарзандонатон солиму солеҳ, номбардори падару модар, миллат ва халқу Ватан бошанд!
Идатон муборак, модарону бонувони гиромиқадр!

Эй Модарону хоҳарон, бодо муборак идатон,
Зиннатфизо эй маҳвашон, бодо муборак идатон.
Баҳри шумо Фархунда бод, ин фасли зебои баҳор.
Гулғунчаҳои бӯстон, бодо муборак идатон.

     Санаи шашуми марти соли ҷорӣ дар маҷлисгоҳи Институти хокшиносӣ ва агрохимияи АИКТ  дар асоси амри Президенти Ҷумҳурии Тоҷикистон оид ба баргузории озмуни «Фурўғи субҳи доноӣ китоб аст» № АП -480,   аз 01 январи соли 2024  ва фармоиши раёсати АИКТ, №06 аз 08 январи соли 2024   бо иштироки намояндаи АИКТ Ҳасан Асоев сармутахассис оид ба татбиқи дастовардҳои илмӣ, директори Институт Хоҷаев Ш.И, котиби илмӣ Давлатова О.С, ходими калони илмии шуъбаи иттилоот, машварат ва татбиқи дастовардҳо Зокирова М.Қ, олимони ҷавон ва кормандони муассиса баргузор гардид.

    Санаи 22-юми декабри соли ҷорӣ, дар толори муассиса бо иштироки Пезиденти Академияи илмҳои кишоварзии Тоҷикистон бахшида ба “Рӯзи таъсисёбии Артиши миллии Ҷумҳурии Тоҷикистон" маҷлиси тантанавӣ баргузор гардид. Дар маҷлис ҷанговарони интернатсионалӣ, полковники адлия - Холзода Умар, полковники эҳтиётии Вазорати мудофиаи Ҷумҳурии Тоҷикистон -Ғоибов Аслиддин, полковники мустаъфӣ - Ятимзода Хуршед ва собиқадори ҷанги Афғонистон - Аминов Шариф иштирок намуданд.

     Санаи 22.02.2024 дар толори Институти хокшиносӣ ва агрохимияи АИКТ чун ҳамасола бахшида ба Рӯзи Артиши миллии Ҷумҳурии Тоҷикистон  бозии шавқовари шашка ва шоҳмот  баргузор карда шуд, ки дар он ҳамаи кормандони муассиса фаъолона ширкат намуданд.

    Сараввал  директор Хоҷаев шариф иштирокчиёни озмунро бо таъсисёбии Қувваҳои Мусаллаҳи кишвар табрик намуда, ба онҳо барору комёбиҳои беназзирро таманно намуданд.

      Дар фарҷоми  чорабинӣ барои гирифтани ҷойҳои 1, 2, 3 ғолибон муайя гардида, онҳоро бо маблағҳои пулӣ қадрдони намуданд.

ҷойи якум Пирназаров Сидиқ сармуҳосиби муассиса 150- сомонӣ

ҷойи дуюм Соррохон Шерозӣ корманди шуъбаи мелиоратсия 100- сомонӣ

      Яке аз корҳои мавсимии дарахтони мевадиҳанда, ҳангоми боришоти барф, ҷамъ ë шибакунии барф дар атрофи дарахтон мебошад. Санаи 19.02.2024 аз ҷониби кормандони Институти хокшиносӣ ва агрохимия атрофи дарахтони боғи қитъаи таҷрибавии “Карсанг” бо барф шиба карданд, ки ин технология метавонад дар оянда мӯҳлати гул шукуфоии дарахтонро ба ақиб партофта, захираи намиро таъмин намояд, ҳамзамон касалиҳо зараррасонҳои атрофи дарахтонро нобуд намояд.

       Ғун кардани барф дар атрофи дарахтони бо мақсади намиғундори дар оянда. Зер яъне сум кардани барф бо хотири дер об шудан мебошад. Барф оҳиста об шуда то чуқурии лозима меравад.