Тоҷикӣ
Русский
English
Санаи 27.10.2022 дар толори муассиса Шӯрои олимони Институти хокшиносӣ ва агрохимияи Академияи илмҳои кишоварзии Тоҷикистон баргузор гардид.
Ба кори ҷаласа раиси Шӯро Хоҷаев Шариф ҳусни оѓоз бахшида, роҷеъ ба масъалаи якуми рӯзнома суханонӣ намуданд.
Сипас оид ба масъалаи якуми рӯзнома «Баррасии масъалаҳои вобаста ба татбиқи дастовардҳои илмии институт дар истеҳсолот» муовини директор оид ба илм, таълим ва тайёр кардани кадрҳои илмӣ Салимов Қурбоналї., дар бобати мавзӯи дуюми рӯзнома «Баррасии натиҷаҳо оид ба амалигардонии нақша чорабиниҳои АИКТ баҳри иҷрои Барномаи давлатии рушди АИКТ барои солҳои 2021-2025” котиби илмӣ Ёқубҷон Уроқов ва доир ба масъалаи сеюми рӯзнома «Муҳокимаи иҷроиши корҳои илмию истеҳсолӣ дар зерсохторҳои институт” муовини директор оид ба истеҳсолот Асадуллозода Абдулло баромадҳои муфассал намуданд.
Дар музокираи масъалаҳо аъзоёни Шӯро суханронӣ намуда, дар хусуси мушкилиҳои ҷойдошта ибрози назар карданд. Ҳамчунин барои боз ҳам рушду пешрафти соҳа роҳбарияти муассиса ба масъулин дастуру супоришҳои мушаххас доданд
Дар интиҳои ҷаласа пешдифои рисолаи доктории унвонҷӯ, н.и.к Солиев Зокирхӯҷа баррасӣ гардид.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
