Тоҷикӣ
Русский
English
07.09.2023. Имрӯз дар толори маҷлисгоҳи Институти хокшиносӣ ва агрохимияи Академияи илмҳои кишоварзӣ бахшида ба 32-юмин солгарди Истиқлоли давлатии Тоҷикистон маҷлиси тантанавӣ баргузор гардид. Маросими идонаро Шариф Хоҷаев директори институти мутазакира ифтитоҳ намуда, ширкаткунандагонро ба ҷашни миллии мардуми тоҷик табрик намуд.
Сипас, Хуршед Ятимзода муовини президенти АИКТ зимни суханронӣ аҳли толорро ба муносибати фарорасии ҷашни бузурги миллӣ- Истиқлолияти давлатии Ҷумҳурии Тоҷикистон, самимона шодбош гуфта, аз заҳматҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар даврони соҳибихтӣ ёдовар шуда гуфт, ки:” Дар натиҷаи кушишу талошҳои пайвастаи Президенти Ҷумҳурии Тоҷикистон Пешвои миллат, муҳтарам Эмомалӣ Раҳмон ва ҳимояи устувору дастгирии мардуми сарбаланди тоҷик вазифаи азими таърихӣ – расидан ба истиқлоли давлатӣ ва пойдории он таъмин гардид. Дар ин марҳилаи таърихӣ, болоравии шууру тафаккур ва худшиносии миллӣ, омили асосии пойдории истиқлоли давлатӣ гардид.”
Ҳамчунин олимон ва кормандони ҷавони Институтҳои хокшиносӣ ва агрохимия, боғу токпарварӣ ва боғдории АИКТ аз аҳамияти таърихӣ ва дастовардҳои соҳибистиқлолӣ ибрози хушнудӣ намуданд.
Дар интиҳои ҳамоиш филми мустанаде аз пешравиҳои даврони истиқлоли кишвар дар намоиш гузошта шуд.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
